Қытайдың Харбин қаласында өтіп жатқан IX қысқы Азия ойындарының шорт-тректен ерлер және әйелдер арасында 500 метрге сырғанаудан іріктеу жарысы өз мәресіне жетті.
Әйелдер арасында сынға түскен қыздар Зейнеп Құмарқан (45.420 секунд), Яна Хан (43.929 секунд) және Малика Ермек (44.286 секунд) келесі кезеңге өтті.
Ал ерлер арасында Мерсаид Жақсыбаев (41.871 секунд), Абзал Әжіғалиев (42.026 секунд) және Денис Никиша (42.702 секунд) ширек финалда өнер көрсететін болады.
Еске салайық, IX қысқы Азия ойындары 2025 жылғы 7-14 ақпан аралығында Қытай Халық Республикасы Хэйлунцзян провинциясының Харбин қаласында өтеді.
Спортшылар 11 спорт түрі бойынша 64 медаль жиынтығын сарапқа салады.
