Speedtest Global Index порталы 2024 жылдың қорытындысы бойынша интернет жылдамдығы ең жоғары қалалар мен мемлекеттердің рейтиңін жариялады.
Кейінгі зерттеуде мамандар 154 мемлекеттегі 200 қалада мобайл интернет пен кеңжолақты интернеттің қолжетімділігін зерделеп шықты. Рейтиң жасау кезінде мобайл және кеңжолақты жүйелерден жүктеу жылдамдығы ескерілді.
Зерттеу бойынша, Қазақстан мобайл интернет жылдамдығы бойынша тағы бір сатыға көтеріліп, 57-ші орынға жайғасты. Мобайл интернеттен жүктеудің орташа жылдамдығы секундына 53,79 мегабит болды. 58-ші орында Жапония тұр. Ол жақта мобайл интернеттің жылдамдығы секундына 53,54 мегабит болды.
Ал кеңжолақты интернеттің жылдамдығы Қазақстанда әлдеқайда баяу, секундына 73,67 мегабит. Бұл көрсеткіш жағынан Қазақстан әлем елдері ішінде 88-ші орында тұр.
Мобайл интернет жылдамдығы бойынша үздік үштік:
- Біріккен Араб Әмірліктері – секундына 453,87 мегабит;
- Қатар – секундына 383,5 мегабит;
- Кувейт – секундына 257,3 мегабит.
Ауғанстан рейтиңнің ең төменгі сатысында орналасты. Ол жақта мобайл интернеттің жылдамдығы секундына небәрі 8,2 мегбит болды.
