Тәуелсіздік күні мерекесіне байланысты 16 желтоқсанда, дүйсенбі күні ХҚКО мен мамандандырылған ХҚКО жұмыс істемейді. Бұл туралы «Азаматтарға арналған үкімет» мемлекеттік корпорациясы хабарлап отыр.
«Азаматтарға арналған үкімет» мәліметінше, 14 желтоқсанда, сенбі күні кезекші орталықтар 09:00-ден 13:00-ге дейін ашық болады.
17 желтоқсанда, сейсенбі күні ХҚКО мен мамандандырылған ХҚКО қалыпты режимде жұмысын қайта бастайды. Орталықтар жұмыс күндері сағат 09:00-ден 18:00-ге дейін қызмет көрсетеді. Кезекші ХҚКО жұмыс күндері сағат 20:00-ге дейін, ал сенбі күні сағат 13:00-де жабылады, — делінген хабарламада.
Мамандандырылған кезекші ХҚКО азаматтарды дүйсенбіден жұмаға дейін сағат 18:00-ге дейін қабылдайды, ал дайын құжаттарды беру сағат 20:00-ге дейін жалғасады. Сенбі күні жұмыс 13:00-де аяқталады.
Жаңажылдық мерекелік демалыс күндері мамандандырылған ХҚКО-лардың қалай жұмыс істейтіні әзірге белгісіз.
