Қазақстанда өткен жылы 12 айда балалар үйіне түскен балалар саны 8,5%-ке өсті. Бұл туралы Finprom.kz хабарлап отыр.
2023 жылы балалар үйіне 4 жасқа дейінгі 1,3 мыңға жуық сәби жіберілді. Бұл кейінгі жылдардағы рекордтық көрсеткіш.
Бұл — бөбектер үйіндегі балалар саны, мұнда 3-4 жасқа дейін немесе асырап алғанға дейін тұрады. Шекті жас басталғаннан кейін балалар басқа мекемелерге — балалар үйлеріне, интернаттарға немесе арнайы медициналық мекемелерге ауыстырылады. Жыл соңында балалардың саны шамалы өзгереді. Ұлттық статистика бюросының «Талдау» ақпараттық-талдау жүйесінің деректері бойынша, 2022 жылы осындай 701 бала, өткен жылы — 711 бала болған, — делінген хабарламада.
Жалпы, ата-анасының қамқорлығынсыз қалған барлық жастағы балалардың саны кейінгі бірнеше жылда 11,8%-ке қысқарды.
2024 жылдың басында білім министрлігі балалардың құқықтарын қорғау комитетінің деректері бойынша елде ата-ана қамқорлығынсыз қалған 21,4 мың бала бар, ал 2019 жылы олардың саны 24,2 мың болған.
