Осы уақытқа дейін Шығыс Қазақстандағы каскадты су қоймаларынан Ертіс өзеніне 4,6 шаршы километр су жіберілген. Бұл — жоспардағы көлемнің 74%-і.
Бұл туралы Павлодар облысының әкімі Асайын Байханов айтты.
Мамандар Ертіс өзенінің су жайылатын алқаптарын әуеден барлап шықты. Аққулы, Май, Павлодар аудандарының және Ақсу қаласының ауылдық аймақтарында судың жайылуы ойдағыдай жүріп жатыр.
10 сәуірден бастап бекітілген кестеге сәйкес жоғарғы Ертіс каскадынан табиғатты қорғау мақсатында су жіберіле бастады. Негізгі кезеңі 13-30 сәуір аралығына жоспарланған, су 12 тәулік бойы секундына 3 500 текше метрден жіберіледі. Алдын ала есептеулер бойынша жайылманың 75-80% алқабын су басады деп күтіліп отыр. Жалпы жоспарланған 6,2 текше километрді қазірдің өзінде 4,6 текше километрі немесе шамамен 74% су жіберілді. Қазір облыстың жайылма алқаптарының шамамен 64%-ін су басты, бұл өткен жылғы деңгейден екі есеге артық, — делінген хабарламада.
Табиғатты қорғау мақсатында жіберіліп жатқан су ағындары бүгінгі таңда Ертіс өзенінің төменгі ағыс бөлігінде ерекше байқалады.