Астанада Наурыз мейрамын тойлау аясында 20 наурыз күні «Арғымақ» ат-спорты кешенінде ұлттық спорт күніне арналған «Наурызнама: Ұлттық спорт күні» мерекелік іс-шарасы өтеді, деп хабарлайды елорда әкімдігінің ресми сайты.
Іс-шара Астана қаласы әкімдігінің қолдауымен ҚР Ұлттық спорт қауымдастығының ұйымдастыруымен өтеді.
Мерекелік іс-шара аясында көкпар, аударыспақ, теңге ілу, қыз қуудан көрсетілімдер және тоғызқұмалақ пен асық атудан шеберлік сыныптары жоспарланған.
Қонақтарға қазақы тазы және бүркіт көрсетіледі. Сондай-ақ, қолөнершілер жәрмеңкесі, ұлттық спорт ардагерлерін марапаттау рәсімі және мерекелік концерттік бағдарлама өтеді.
«Арғымақ» ат-спорт кешені Рождественская тас жолы, 3 мекенжайында орналасқан. Кіру тегін.
