Самара — Шымкент автожолында Volvo жүк көлігі мен Toyota-Аlhpard минивені соқтығысып, сегіз адам қаза болды.
Бұл туралы Polisia.kz хабарлады.
Трагедия 3 сәуірде Маржанбұлақ ауылының маңында болды.
Апат салдарынан минивен жүргізушісі мен жеті жолаушысы оқиға орнында қаза болды. Барлығы Өзбекстан азаматы, — деп жазылған хабарламада.
Алдын ала мәлімет бойынша, жүк көлігінің дөңгелегі жарылып, жүргізуші көлікті басқара алмай, қарсы бағыттағы қозғалыс жолағына шығып кеткен.