Ашық НҚА порталында жарияланған қаулы жобасы бойынша, Орал қаласының әкімдігінің жолақыны қымбаттатуды жоспарлап отыр.
Орал қаласының жолаушыларын әлеуметтік мәні бар тұрақты тасымалдау тарифтері төлем тәсіліне байланысты келесі мөлшерде белгіленсін: Жол ақысын ұялы байланыс операторының көрсетілетін қызметтері немесе көлік картасы немесе мобильді қосымша арқылы төлегенде – 120 теңге; жол ақысын қолма-қол ақшамен төлегенде – 200 теңге, – делінген қаулы жобасында.
Орал қаласында жолақы Астана мен Алматы қаласынан да қымбат (бұл қалаларда жолақы 100 теңге) болады.
Қаулы жобасын жария талқылау 10 қазанда аяқталады.