Қазақстанның екі облысына жаңа әкім тағайындалуы мүмкін.
Ақмола облысы мәслихатының сайтында 5 қыркүйекте сағат 10.00-де облыс әкімі лауазымына тағайындауға келісім беру мәселесі бойынша облыс мәслихаттары депутаттарының жиналысы өтетіні туралы хабарландыру жарияланды.
Осындай хабарландыру Жамбыл облысы мәслихатының сайтында да пайда болды.
2023 жылғы 5 қыркүйекте сағат 11.00-де Тараз қалалық білім бөлімінің оқушылар сарайында облыс әкімінің тағайындалуына келісім алу үшін Жамбыл облысының барлық деңгейдегі мәслихаттар депутаттарының жиналысы өткізілетіні туралы хабарлаймыз, — делінген хабарламада.
