Қазақстан өңірлерінде қар аралас жаңбыр жауып, күн суытады. Бұл туралы «Қазгидромет» РМК синоптиктері хабарлады.
Алдағы күндері республиканың басым бөлігінде жаңбыр, найзағай, екпінді жел сақталады. Еліміздің солтүстігінде, шығысында және оңтүстік-шығысында кейде уақытта жаңбыр жауады, Қазақстанның оңтүстік-шығысындағы таулы аудандарда 5 қыркүйекте жаңбыр мен қар аралас жаңбыр түрінде қатты жауын-шашын күтіледі, — делінген хабарламада.
Еліміздің солтүстік-батысында, солтүстігінде, шығысы мен орталығында түнгі және таңертеңгі уақытта тұман болады деп болжанып жатыр.
Еліміздің солтүстігінде, солтүстік-батысында, орталығында ауа температурасы түнгі уақытта +2+10-ға дейін төмендейді. Күндіз +10+20 жылыға дейін аздап жылынады.
