Атырау облысындағы Жайық өзенінде серуен қайықтары соқтығысты. Бұл туралы полиция департаментінің баспасөз қызметі хабарлады.
Оқиға 3 шілдеде сағат 20.05 шамасында болған.
Қайықтар Жайық өзенінде адамдарды серуендету қызметін атқарған. Біреуінде 10 адам, екінші қайықта 25 адам болған. Қазіргі таңда қылмыстық кодекстің 344-бабы 1 бөлігімен «Темiржол, әуе, теңіз немесе өзен көлiгi жүрісі немесе оларды пайдалану қауiпсiздiгi қағидаларын бұзу» бойынша сотқа дейінгі тергеу жүріп жатыр, — делінген хабарламада.
Түрлі дене жарақатын алған тоғыз адам ауруханаға жеткізілді.