Келесі аптада Алматы мен Алматы облысының бірнеше тұрғын алабы суық судан ажыратылады. Бұл туралы «Алматы су» МКК хабарлады.
Бұқтырма көшесі мен Құлжа жолы қиылысында жол-көлік айрығын салу жөніндегі жұмыстар шеңберінде үш кезеңде құрылыс орындарының астынан Д-1400 миллиметр, Д-1200 миллиметр су тартқыштарын шығару жұмыстары орындалады.
Жұмыстарды жүргізудің 1-кезеңінде, яғни 21 мамыр күні сағат 22:00-ден 22 мамыр күні сағат 09:00-ге дейін төменде көрсетілген аумақта орналасқан тұрғын үйлер мен өзге де ғимараттарға суық су беру уақытша тоқтатылады:
- Түрксіб ауданы, «Нұршашқан» шағынауданы, «Қайрат» шағынауданы;
- Алматы облысы Талғар ауданы, Белбұлақ, Гүлдала, Луч, Тұздыбастау, Түзусай, Бірлік, Бесағаш елдімекендері; оның ішінде «Аспан Сити», «Алтын Сити», «Нұрия», «Достар», «Nomad City», «Tomarix City», «Бесағаш» тұрғын үй кешендері, Құлжа жолы бойында орналасқан коммерциялық нысандар (қоғамдық тамақтану орындары, базарлар, автосалондар және т.б.).
24 мамыр күні сағат 23:00-ден 26 мамыр күні сағат 9:00-ге дейін «Nomad city» ТК суық судан ажыратылады.
Жұмыстың соңғы 3-кезеңін орындау шеңберінде 28 мамыр күні сағат 22:00-ден 30 мамыр күні сағат 09:00-ге дейін төменде келтірілген келесі мекенжайларда суық су болмайды:
- Түрксіб ауданы, «Нұршашқан» шағынауданы, «Қайрат» шағынауданы;
- Алматы облысы Талғар ауданы, Белбұлақ, Гүлдала, Лучь, Тұздыбастау, Түзусай, Бірлік, Бесағаш кенттері; оның ішінде «Аспан Сити», «Алтын Сити», «Нұрия», «Достар», «Nomad City», «Tomarix City», «Бесағаш» тұрғын үй кешендері, Құлжа жолының бойында орналасқан коммерциялық нысандар (қоғамдық тамақтану орындары, базарлар, автосалондар және т.б.).
Уақытша келтірілген қолайсыздықтарға түсіністікпен қарауды сұраймыз», — делінген хабарламада.