Жаркентте кәсіпкерді қорқытып, ақша бопсалаған күдіктілер ұсталды. Бұл туралы Polisia.kz хабарлады.
Күдіктілер жергілікті кәсіпкерді қорқытып, 15 мың қытай юань талап еткен.
Топ үш адамнан тұрады. Біреуі — Алматы қаласының тұрғыны, екіншісі — Алматы облысынан, үшіншісі — Жетісу облысының тұрғыны, – деді Жетісу облысы полиция департаменті ҰҚҚКБ бастығы Сарқытбай Құсайынов.
Олар ақша алып тұрған кезде ұсталды. Олардың біреуінен 9 мм калибрлі 13 патроны бар тапанша (сигналдық) табылып, тәркіленді.
Аталған факт бойынша тергеу амалдары ҚР ҚК-нің 194-бабына сәйкес «Қорқытып алу» жүргізіледі. Ұсталған адамдар уақытша ұстау изоляторына қамалды.