Әйелдер теннисі қауымдастығы (WTA) жаңартылған рейтингті жария етті.
Қазақстанның үздік теннисшісі Елена Рыбакина Аустралия чемпионатының финалына дейін жетуі нәтижесінде 25-тен 10-орынға көтеріліп, спорт жолында алғаш рет үздік ондыққа енді.
Сонымен қатар Елена Путинцева 47-ден 44-сатыға жоғарылады.
Жұптық сында Анна Данилина 24-орында тұр.
Еске салайық, бұған дейін Аустралия чемпионатында Елена Рыбакинаның финалда чемпиондық атаққа таласатынын жазған болатынбыз.
Қазақстандық теннисші Australian Open турнирінің финалында беларусь Арина Соболенкоға есе жіберді.
