Орталық сайлау комиссиясы Конституцияның 52-бабы 5-тармағына, «Қазақстан Республикасының парламенті және оның депуттарының мәртебесі туралы» Конституциялық заңының 24-бабы 7-тармағының 1-тармақшасына және 9-тармағына сәйкес, парламент мәжілісінің депутаты Азамат Әбілдаевтың өкілетінің күшін жою туралы қаулы шығарды.
«Ақ жол» Қазақстанның демократиялық партиясы» қоғамдық бірлестігі ұлттық кеңесінің 2023 жылғы 19 қаңтардағы №1 қаулысының қабылдануына байланысты парламент мәжілісінің депутаты Азамат Рахатұлы Әбілдаевтың өкілетінің күші жойылды деп танылсын, — делінген мәтінде.
20 қаңтарда мәжіліс депутаты Азамат Әбілдаев «Ақ жол» демократиялық партиясынан шығарылған болатын. Ол «Азаттық радиосына» берген сұхбатында Путин мен Украинадағы арнайы операцияны қолдайтынын айтқан.
Еске салсақ, кеше мемлекет басшысы Қасым-Жомарт Тоқаев мәжілісті таратты. Сайлау күні 19 наурызға белгіленді.