22 желтоқсан күні сағат 14:40 шамасында баланың Орион бассейнінде болғаны анықталды.
Жүзу кезінде бассейнге түсуге қарсы көрсетілімдері жоқтығын растайтын медициналық құжаты бар бала кенеттен ауырып, оған бассейн нұсқаушылары мен медицина қызметкерлері дереу көмек көрсете бастады.
Шақыру бойынша келген жедел жәрдем қызметкерлері баланың қайтыс болғанын анықтады.
Қазіргі уақытта өлім себебін анықтау мақсатында барлық қажетті зертханалық зерттеулер мен сот-медициналық сараптамасы тағайындалды.
Сот-медициналық сарапшысының алдын ала қорытындысы бойынша баланың өлімі жалпы аурудың салдарынан болған, суға бату белгілері жоқ.
Аталған факті бойынша қайғылы оқиғаның мән-жайын жан-жақты тексеру мақсатында РФ Тергеу комитетінің «Байқоңыр» кешені бойынша тергеу басқармасы қылмыстық іс қозғады.
Аталған факт бойынша кешен прокуратурасы тексеріс жүргізіп жатыр.
Оның аясында «Орион бассейні» мемлекеттік бюджеттік мекемесінің лауазымды тұлғаларының жүзу сабақтарын өткізу барысында кәмелетке толмағандарды қадағалауды ұйымдастыру және жүзеге асыру әрекеттеріне (әрекетсіздігіне) баға беріледі.
