Бұл туралы мемлекеттік кірістер комитетінің баспасөз қызметі хабарлады.
Ол үшін жеке тұлға ҚР азаматы болуы керек және оның Қазақстанда тұрақты тұрғылықты жері болуы қажет.
Бұл ретте, азаматқа осы электромобильді кедендік тазарту уақытынан бастап 3 жыл ішінде Ресей Федерациясының азаматтығы немесе Ресей Федерациясының тұрақты тұрғылықты жері бар тұлғаларға иелену, пайдалану, билік ету құқығын беруге тыйым салу түріндегі шектеулер қойылады, — делінген хабарламада.
Азаматтар жолаушыларға арналған кедендік декларацияны тапсыру үшін Қазақстан Республикасы азаматының жеке басын куәландыратын құжатын, сонымен қатар тауарға ілеспе құжаттарды ұсына отырып өзі, кеден бекетінің инспекторына жүгіне алады (егер электромобиль Қытайдан әкелінген болса CMR, ТТН, сатып алу келісім шарты/инвоис, көлік құралының қауіпсіздігі туралы куәлік, тех.паспорты, экспорттық декларация).
Егер уақыты болмаған жағдайда, кеден өкілдерімен (брокерлік компаниялар) шарт жасасу арқылы олардың қызметін пайдалануға мүмкіндік бар.
Мемлекеттік кірістер комиететінің мәліметінше, заңды тұлғаларға электромобильдерді әкелуі кезінде кедендік төлемдерден ғана босату қарастырылған, ал салықтарды төлеуі қажет.
Бұл ретте, мұндай тауарлар шартты түрде шығарылған болып есептеледі және сонымен қатар оларға да Ресей Федерациясына сатуға шектеулер қойылған. Заңды тұлғалар тек Дүниежүзілік сауда ұйымының мөлшерлемелері шеңберінде кедендік баждарды төлеуден босатылады. Мұндай шешімді Еуразиялық экономикалық комиссия 2022 жылғы 17 наурызда қабылдады, — делінген хабарламада.