Расында бұл – үлкен шаруа. Зардап шеккен азаматтардың бәрі үш айдың ішінде баспаналы болады деп уәдемді бердім. Оған күмәнім жоқ. Ол – бір. Екіншіден, Ахмет Байтұрсынұлының мерейтойына қатысты. Ең алдымен, осы мәселені шешейік. Содан кейін амандық болса, осы бір қасиетті жерге келіп, Ахмет Байтұрсынұлы бабамыздың рухына тағзым етіп, тойды өткіземіз, — деді Қасым-Жомарт Тоқаев Қостанайдағы жұмыс сапары кезінде.
Еске салайық, Тоқаев Қостанай облысында орман өртінен зардап шеккендермен кездесті. Кездесу барасында президент үкімет қиын жағдайды еңсеру үшін барлық шараларды қабылдайтынын айтты.
