Жеңілдетілген автонесие шарттары қашан белгілі болады?

Ведомство мәліметінше, талаптар мен критерийлер биыл сәуірдің аяғына дейін бекітіледі.

Отандық техниканы сатып алу шарттары, сонымен қатар қаржыландыру тәртібі мемлекеттік органдарда келісу рәсімдерінен өту сатысында. Сәуірдің соңына дейін барлық рәсімдерді аяқтау жоспарланып отыр, — делінген хабарламада.

Индустрия және инфрақұрылымдық даму министрлігі экология, геология және табиғи ресурстар министрлігімен бірлесе отырып, «Жасыл даму» АҚ қаражаты есебінен Қазақстан азаматтарының жеңілдетілген несиеге автокөліктер сатып алуы, сонымен бірге автобустар паркін жаңарту бағдарламасын әзірлеп жатыр.

Жеңілдетілген несиелендіру бағдарламасы бойынша қаржыландырудың жалпы сомасы шамамен 100 миллиард теңге және Қазақстан аймақтарында автобустарды жаңартуға шамамен 30 миллиард теңге. Мәселен, халық үшін сатып алу шарттары 0%-тен бастап бастапқы жарна, несие мерзімі 7 жылға дейін, сатып алушы үшін 1 бірлік автокөлік үшін несиенің максималды сомасы 10 000 000 теңгеден аспайды, — делінген хабарламада.