Бүгінде ел бойынша локдаун жариялау қарастырылып та, жоспарланып та жатқан жоқ. Себебі барлық шектеу шарасы денсаулық сақтау жүйесіндегі жүктемені азайту үшін және коронавирустан болатын өлім-жітім санын азайту үшін қабылданған. Алдағы күндері шектеу шаралары әр өңірдегі эпидемиология жағдайына байланысты саралау түрінде қабылданады, — деді Ажар Ғиният.
Еске салайық, Қазақстанда кейінгі тәулікте коронавирус инфекциясын 9 698 адам жұқтырды. Бұл бір күн бұрынғыдан 1 826-ға аз.
Эпидемиология ахуалын бағалау матрицасы бойынша Түркістан облысынан («сары» аймақта) өзге өңірлер «қызыл» аймақта.