Әділбек Ниязымбетов – Қазақстан бокс құрамасының жаңа капитаны

Қазақстан бокс құрамасының Мырзағали Айтжанов бастаған жаттықтырушылары капитан Данияр Елеусіновтың кәсіпқой боксқа ауысуына байланысты орнына Әділбек Ниязымбетовты сайлады. 

Әділбек Ниязымбетов
Әділбекті капитандыққа Василий Левит ұсынды, бәріміз бірауыздан қолдадық. Капитанның басты міндеті – боксшыларды ауызбіршілігін сақтап, рухын ұстап тұру. Ниязымбетовтың қолынан бұл келеді деп ойлаймын. Себебі ол ең тәжірибелі, ең сыйлы боксшы. ОлТокионы да бағындырады, – деді Мырзағали Айтжанов.
Айта кетейік, бокс құрамасының жартысы бүгінге дейін Бүкіләлемдік бокс академиясында жалпы физикалық даярлық жиындарында болды. Жуық арада барлық спортшылар Венгрияда, Болгарияда өтетін дәстүрлі турнирлерге аттанады.