Өзбекстанмен шекарада халықаралық сауда орталығын салу мерзімі белгілі болды. Сауда және интеграция министрлігінің ақпараты бойынша, «Қорғас» халықаралық сауда-экономикалық ынтымақтастық орталығы құрылысын 2023 жылы бастау жоспарланып отыр.
Бұл орталық қазақстандық экспорттың $4-5 миллиардқа ұлғаюына ықпал етеді.
Сонымен қатар халықаралық сауда-экономикалық ынтымақтастық орталығы бірлескен индустриялық және сауда-логистикалық хабтар арқылы сыртқы нарықтарға тауарларды екіжақты экспорттаудың орталығына айналуға тиіс. Базалық кооперация ретінде АӨК өнімдерін қайта өңдеу, машина жасау, электроника, жеңіл өнеркәсіп, ағаш өңдеу, құрылыс материалдарын өндіру болуға тиіс.
Кешеннің өзі қойма қуаттарын, кедендік ресімдеу орталығын қамтуы және мультимодальді хаб құрылмақ. Өнеркәсіптік кооперацияның неғұрлым перспективалы бағыттары ұн тарту, протеин, жиһаз кластерлері болып табылады.
Шекара маңындағы аумақта логистикалық қызмет түрлерін дамытуға баса назар аударылады. халықаралық сауда-экономикалық ынтымақтастық орталығы аумағында халықаралық деңгейдегі логистикалық қызметтердің барлық кешені көрсетілетін болады, − деп атап өтті сауда министрлігінің баспасөз қызметі.
Министрлікте президент Қасым-Жомарт Тоқаевтың Түркіменстанмен шекарада осындай орталық құру туралы ұсынысы айтылды. Сауда министрлігінің ақпараты бойынша, құрылыс орны Маңғыстау облысының шекаралас аудандары болып белгіленген.