Қазақстанға қытайлық вакцинаның тағы 3 миллион дозасы жеткізілді

Қазақстанға VeroCell вакцинасының тағы 3 миллион дозасы жеткізілді. Бұл туралы Денсаулық сақтау министрлігінің баспасөз қызметі хабарлады.

Ведомствоның хабарына қарағанда, жеткізілген вакцина дозалары Қазақстан халқын жаппай вакцинациялауды аяқтауға мүмкіндік береді.

Бірыңғай дистрибьютор Қытаймен жүргізілген келіссөздердің қорытындысы бойынша 4 миллион доза сатып алды.

вакцина, Қытай, ұшақ, Vero cell
Фото: Денсаулық сақтау министрлігінің баспасөз қызметі

Vero Cell – Қазақстанда тіркелген бесінші вакцина. COVID-19-ға қарсы препарат Бейжің биологиялық өнімдер институты әзірлеген және Дүниежүзілік денсаулық сақтау ұйымы 202 жылдың көктемінде мақұлдаған, дүниежүзінің 45 елінде мойындалған. Вакцина екі дозалы. Сақтау мерзімі – 24 ай.

вакцина, Vero cell
Фото: Денсаулық сақтау министрлігінің баспасөз қызметі

Еске салайық, Қазақстан 10 тамызда Sinopharm компаниясы шығарған вакцинаның миллион дозасын, ал сәуір айының соңында БАӘ-де Hayat-Vax сауда атауымен шығарылған миллион дозаны алды.