Бішкекте 2016 жылғы 16 қыркүйекте ТМД мемлекеттері басшыларының кеңесі 2020 жылдарға барынша жақын мерзімдерде ТМД қатысушы мемлекеттерде кезекті халық санағын өткізу туралы Шешім қабылдады.
Халық санағы не үшін керек?
Алдағы халық санағының құндылығы оның Қазақстан Республикасының халқы бойынша демографиялық ахуалды біліп қана қоймай, әлеуметтік саланың көптеген аспектісі бойынша ахуалды болжауға мүмкіндік береді. Халық санағының ел үшін айрықша маңызы, ең алдымен, жалпыға бірдей қамту мен ауқымды бағдарламаның арқасында – тұтастай ғана емес, оның әрбір әкімшілік-аумақтық бірлігінің халқы туралы әртүрлі ақпараттың баламасыз көзі екенімен айқындалады. Халық санағы — елдің ұлттық статистикалық жүйесінің құрамдас және ажырамас бөлігі, халық және оның тұрғын үй жағдайлары туралы деректердің негізгі көзі.
Халық санағының қорытындылары елде санақ аралық кезеңде болған экономикалық, демографиялық және әлеуметтік өзгерістерді көрсетеді. Халық санағы барысында алынған статистикалық деректер барлық деңгейдегі бюджеттердің барынша объектив қалыптасуына негіз болады.
Экономика мен бюджеттік бағдарламаларды жоспарлау және дамыту үшін құрылыс пен тұрғын үйді бөлу, демографиялық және көші-қон процестері, білім, денсаулық сақтау, әлеуметтік сала және жұмыс орындарын құру бойынша бағдарламаларды дамытуға жәрдемдесетін халық санағының ақпараттық деректері қажет. Халық санағы жұмыс орындары, еңбек ресурстары туралы толық көріністі, ал бизнес үшін түпкілікті тұтынушы туралы маңызды әрі нақты көріністі береді. Ұлттық халық санағына қатысатын әрбір азамат мемлекеттік әлеуметтік бағдарламаларды жоспарлау және әзірлеуге ауқымды және құнды үлесін қосады.