Еңбекші аудандық полиция басқармасының қызметкерлері аудан аумағында орналасқан тойхана карантин талаптарын бұзып, дүйсенбі күні сағат 12.54-те 100 адамнан асатын қонақ шақырылған қыз ұзату тойын өткізіп жатқанын анықтады.
Сонымен қатар қызметкерлер келушілердің дене қызуын тексермей кіргізіп, оларға маскасыз қызмет көрсеткені де белгілі болды.
Аталған жайт бойынша жинақталған іс-құжаттар ҚР ӘҚБтК-нің 425-бабымен (Халықтың санитариялық-эпидемиологиялық саламаттылығы саласындағы заңнама талаптарын, сонымен бірге гигиена нормативтерiн бұзу) шара қолдану үшін Шымкент санитарлық-эпидемиологиялық бақылау департаментіне жолданды.