12-14 маусым күндеріне арналған ауа райы болжамы

Синоптиктер болжамына қарағанда, алдағы тәуліктерде ыстықтың беті қайтады, сонымен бірге еліміздің кей жерлерінде жаңбыр жауады.

“Қазгидромет” РМҚ мамандары жылы және құрғақ ауа массалары еліміздің оңтүстік өңірлерінде жауын-шашынсыз ыстық ауа райының қалыптасуына ықпал ететінін хабарлады.

Алайда, Скандинавия аймақтарынан келетін суық антициклонның әсерінен, елдің солтүстік жартысында ғана емес, оңтүстік облыстарда да ауа температурасы төмендейді. Егер оңтүстікте ауа температурасы аздап төмендесе, оңтүстік-шығыста термометр бағандары түнде 5…13°С-қа дейін, күндіз 20…28°С-қа дейін төмендейді. Атмосфералық фронттардың өтуі әсерінен еліміздің кей жерлерінде найзағай ойнап, жаңбыр жауады, – делінген хабарлады.

Сонымен бірге 12-13 маусымда оңтүстіктің, оңтүстік-шығыс пен шығыстың таулы аудандарында нөсер жаңбыр жауады, жекелеген аудандарда дауыл тұрып, бұршақ жаууы мүмкін.

Айта кетейік, 10-12 маусым күндері республика аумағында жаңбыр жауып, жел екпіні күшейетінін хабарлаған едік.