Ол мұның алдында Қаржы мониторингі агенттігінің Алматы бойынша Экономикалық тергеу департаментінің басшысы қызметін атқарды.
Әли Алтынбаев 1979 жылы Алматы облысында дүниеге келген. Қазақ мемлекеттік басқару академиясын, Тұран университетін, РФ президенті жанындағы Ресей халық шаруашылығы және мемлекеттік басқару академиясын тәмамдаған.
Мамандығы бойынша біліктілігі: бухгалтерлік есеп және аудит, құқықтану, мемлекеттік және муниципалды басқару магистрі.
Еңбек жолын 2001 жылы Еңбекшіқазақ ауданы бойынша Салық комитетінің жанама салықтар бөлімінің салық инспекторының м. а. қызметінен бастаған.
2001-2009 жылдары Еңбекшіқазақ ауданы бойынша Салық комитетінде түрлі қызмет атқарған. 2009-2010 жылдары — Алматы облысы бойынша Салық департаментінің Салық аудиті басқармасы заңды тұлғалар аудиті бөлімінің басшысы.
2010 жылы Алматы қаласы Түрксіб ауданы бойынша Салық басқармасының жеке кәсіпкерлердің ақпаратын қабылдау және өңдеу орталығының бөлім басшысы, 2010-2014 жылдары Алматы қаласы бойынша Салық департаментінде түрлі лауазымдарды атқарған.
2014-2015 жылдары Алматы қаласы бойынша Мемлекеттік кірістер департаментінде басшылық қызметтер атқарған.
2015-2017 жылдары Алматының Алатау ауданы бойынша Мемлекеттік кірістер басқармасының басшысы, 2017-2019 жылдары Алматының Наурызбай ауданы бойынша Мемлекеттік кірістер басқармасының басшысы болды.
2019-2020 жылдары ҚМ МКК Алматы бойынша Мемлекеттік кірістер департаменті басшысының орынбасары, 2020-2021 жылдары Қаржы мониторингі комитеті Алматы бойынша Экономикалық тергеу департаментінің басшысы болды.