Бұл туралы Қаржы министрлігінің мемлекеттік кірістер комитетінің баспасөз қызметі хабарлады.
Биылғы 1 қаңтар мен 1 сәуірде жеке тұлғалардың көлік құралдарына салынатын салық бойынша бюджетке 19,7 миллиард теңге түсті. 25 наурыздағы жағдай бойынша осыған дейін 6,6 миллиард теңге түссе, алдағы төлемдер туралы push-хабарлама жібергеннен кейін 13,1 миллиард теңге түсті, делінген хабарламада.
Сонымен бірге Мемлекеттік кірістер комитеті Салық кодексіне енгізілген өзгерістерге сәйкес 2020 жылға көлік құралдарына салынатын салықты жеке тұлғалар 2021 жылғы 1 сәуірден кешіктірмей төлеуі қажет болғанын хабарлады.
2 сәуірден бастап әрбір кешіктірілген күн үшін өсімпұл есептеледі, — делінген комитет таратқан хабарламада.
Осыған дейін, 30 наурызында https://t.me/kgdmfrk Telegram арнасында көлік салығы бойынша сауалнама жүргізген.
Респондеттерге «Сіз 2020 жылға арналған көлік құралдары салықтың төленуге тиісті алдағы сомасын қалай білдіңіз?»,- деген сұрақ қойылған.
Сауалнамаға қатысқандардың 36%-і салық сомасын «e-Salyq Azamat» мобайл қолданбасы арқылы білген;
- 30%-і банктің мобайл қолданбасы арқылы;
- 5%-і «e-Salyq Azamat» мобайл қолданбасындағы Калькулятордың көмегімен өздері дербес есептеген;
- 21% респонденттер Мемлекеттік кірістер комитетінің порталындағы Калькулятордың көмегімен өз бетінше есептеген;
- 8%-і Мемлекеттік кірістер басқармасына барып, кеңес алуды жөн көрген.
Еске салайық, бұдан бұрын Мемлекеттік кірістер комитеті көлік салығы бойынша алдағы төлемдерді алғаш рет төлеу мерзіміне дейін «e-Salyq Azamat» тегін мобайл қолданбасына жіберетінін мәлімдеген.
2020 жылға жеке тұлғалардың көлік құралдарына салынатын салық Ішкі істер министрлігі әкімшілік полиция комитетінің мәліметтері негізінде есептелген.
Тағы оқыңыз: «Көлік салығын қалай төлеймін?» Жиі қойылатын 10 сұраққа жауап
