Қазір коронавирус инфекциясымен ауыратын науқастарға медицина көмегін көрсету үшін 51 мыңнан астам төсек-орын резерві бар, өңірлерге 100 жылжымалы медициналық кешен жеткізілді. Өткен жылы республика бойынша 16 тез құрылатын жұқпалы аурулар ауруханасы салынды және 3 жұқпалы аурулар ауруханасы қайта бейіндеу жолымен жаңартылды. Медицина ұйымдарына 3 264 бірлік өкпені жасанды желдету аппараты жеткізілді, оның ішінде 1500-і отандық өндіріс өнімі.
Аудандық ауруханалар уақытылы диагностика жасау үшін 53 рентген аппаратымен жабдықталған, оның 49-ы отандық «Ақтөберентген» өндірушісінен сатып алынған. Жедел медициналық жәрдем қызметі 1 167 бірлік санитарлық автокөлік сатып алу арқылы күшейтілді.
Медициналық-санитарлық алғашқы көмектің қолжетімділігін қамтамасыз ету мақсатында 2020 жылы 44 амбулаторлық-емханалық көмек объектісі, оның ішінде ауылдық жерлерде 30 объект салынды және ашылды. 2020 жылы дәрігерлердің орташа жалақысы 30%, орта медициналық қызметкерлердің жалақысы 20% өсті.
Сонымен бірге өткен жылы денсаулық сақтау инфрақұрылымын жаңарту, өңірлердің медициналық ұйымдарын материалдық-техникалық қамтамасыз ету бойынша шаралар қабылданды. Бұл шаралар медицина қызметтерінің сапасы мен қолжетімділігін жақсартуға бағытталған.
2021 жылғы қаңтардағы жағдай бойынша республика бойынша барлығы 19 089 инфекциялық төсек-орын орналастырылды, олардың бос болмауы 28% (5 367 төсек-орын) құрайды.
Инфекциялық стационарлардағы реанимациялық төсек саны 1 738, жұмыспен қамту – 21% (362 төсек) құрайды.
Карантиндік стационарлардың төсек-орын сыйымдылығы 6 666 төсекті құрайды, республика бойынша жұмыспен қамтылу – 6,2% (төсек).
Инфекция стационарларында 2021 жылғы қаңтардағы деректер бойынша 5 222 өкпені жасанды желдету аппараты бар, 42 838 төсек-орын оттегімен қамтамасыз етілген.
Гуманитарлық көмек шеңберінде алынған көлемнен бір рет қолданылатын 200 000 қорғаныш костюмі мөлшерінде жеке қорғаныс құралдарының резерві қалыптастырылды. Бұл көлем коронавирустың ықтимал жаңа толқыны жағдайында пайдалану үшін қосымша резерв ретінде Бірыңғай дистрибьютордың 4 хабында сақталады.
Қазақстанда пандемия кезінде медицина қызметкерлері үшін 15 373 жаңа жұмыс орны ашылды
Өңірлік денсаулық сақтау басқармаларының деректеріне сәйкес денсаулық сақтауды дамытудың мемлекеттік және үкіметтік бағдарламаларын іске асыру шеңберінде 2020 жылғы 1 желтоқсандағы жағдай бойынша медицина қызметкерлері үшін 15 373 жаңа жұмыс орны құрылды, оның ішінде 5 274 – тұрақты, 10 099 – уақытша.
Көптеген жұмыс орны Нұр-Сұлтанда (3 614, оның ішінде 807 – тұрақты және 2807 – уақытша) және Ақтөбе облысында (1480 жаңа уақытша жұмыс орны) құрылды.
Осы өңірлер жаңа жұмыс орындарын ашу жоспарын асыра орындалды. Ағымдағы жылға жоспардың орындалу пайызы бойынша ең төменгі көрсеткіш Жамбыл облысында (75%) және Шығыс Қазақстан облысында (77%) байқалды.
Медицина қызметкерлері үшін жаңа жұмыс орындарының үлесі жалпы жұмыс санының 26%-ын немесе 3 996 жұмыс орнына тең, оның ішінде дәрігерлер үшін – 780, орта буын медицина қызметкерлері үшін – 1 893 және өзге де персонал үшін – 1 323 жұмыс орны.
Медицина қызметкерлері үшін жаңа жұмыс орындарының ең көп саны астанада (620), Солтүстік Қазақстан (473), Түркістан (452) және Жамбыл (438) облыстарында құрылды.
Денсаулық сақтау мекемелерін медициналық жабдықтармен жарақтандыру
Республиканың аудандық ауруханалары 100% жылжымалы медицина кешендерімен жабдықталған.
Жергілікті бюджеттен жоспарланған 1 764 бірліктің 1 649 бірлігі қойылды. Сонымен бірге Дүниежүзілік банкті қолдау жобасы шеңберінде тағы 390 ӨЖЖ аппараты (жоспарланған 491 аппараттан) жеткізілді.
Бұдан басқа «Қазақстан Аселсан инжиниринг» ЖШС-нен Үкіметтің резервтік қаражаты есебінен сатып алынған отандық өндірістің «BIOVENT» ӨЖЖ 1500 аппараты жеткізілді.
64 оттегі станциясын пайдалануға беру есебінен орталықтандырылған оттегімен қамтамасыз етілген төсек-орын саны 42 838-ге дейін артты.
Аудандық ауруханаларды уақытылы диагностикалау үшін 53 рентген аппаратымен толық жарақтандырылуда, оның 49-ы отандық «Ақтөберентген» өндірушісінен сатып алынды.
Бүгінде «ҚДБ-Лизин» АҚ-мен қаржы лизингі шарты бойынша 1 167 бірлік санитария автокөлігі жеткізілді.
primeminister.kz