Жандарбек Бекшин: Коронавирус жұқтырған барлық науқас ауруханаға жатады

Алматыда енді коронавируспен ауыратын барлық науқас ауруханаға жатуға міндетті. Бұл туралы қаланың бас санитар дәрігері Жандарбек Бекшиннің жаңа қаулысында айтылған.

Коронавирус инфекциясының барлық нысанындағы науқастар міндетті түрде ауруханаға жатқызылсын, – делінген қаулыда.

Айта кетейік, Алматыда 1 ақпаннан бастап карантин шектеулері күшейеді. Театр және кинотеатр жұмысына тыйым салынады, демалыс күндері ойын-сауық орталықтары жұмыс істемейді.