2020 жылғы 21 қарашада сағат 12.25-те Нұр-Сұлтанның Төтенше жағдайлар департаменті кезекші-диспетчер қызметі пультіне дәмхананың бірінде газ баллоны жарылғаны туралы хабар түскен.
Оқиға орнынан өрт сөндірушілер барғанда үйдің ішінде бір қыз бен 15 газ баллоны бар екені анықталған. Жарылыстан ас бөлмесіндегі шатыр құлап түскен, — дейді ҚР ТЖМ ресми өкілі Талғат Уәли.
Алдын ала мәлімет бойынша, дәмханадағы қыз үйінді астында қалып, қайтыс болды.
Оқиға орнында Нұр-Сұлтанның ТЖД өкілдері, Апаттар медицинасы орталығының 21 құтқарушысы мен 5 техника жұмыс істеп жатыр.
