Оқушылардың IT Stars-2020 халықаралық онлайн байқауы басталды

Онлайн байқауға Қазақстан, Қырғызстан, Ресей және Әзірбайжан оқушылары қатысып жатыр.

Алматыда IT Stars-2020 халықаралық онлайн байқауы басталды. Оған 1-11 класс аралығындағы 250-ден астам оқушы қатысып жатыр. Оның 131-і – Қазақстан оқушылары.

Ұйымдастырушылардың айтуынша, бұл байқау карантин кезінде оқушыларға IT саласы бойынша білімін кеңейтуге мүмкіндік береді.

4 мемлекет оқушыларын біріктіріп, сайыстың онлайн түрде өтуі – ІТ технологияның қарқынды дамып жатқанының дәлелі. Меніңше, бұл байқау оқушыларға үлкен мотивация береді. Болашақта осындай форматта көп конкурс өтетініне сенемін, – деді Ресейдегі “Линтех” интеллектуал технология зертханасының бас директоры Юрий Аурениус.

Оқушылар байқауға ақпараттық технология, медиа, компьютер ойындары мен бағдарламалары сияқты бағыттар бойынша қатысады.