Тауарлар мен көрсетілетін қызметтердің сапасы мен қауіпсіздігін бақылау комитеті 7 наурыз бен 25 наурыз аралығында дүниежүзінде вирустың таралуына қатысты ақпарат жариялады.
7 наурызда Қытайды қоспағанда дүниежүзі елдерінде індеттің 3 997 жаңа дерегі тіркеліп, 78 адам қайтыс болса, 25 наурызда 49 490 жаңа дерек анықталып, аурудан 2 382 науқас қайтыс болған.
25 наурызда дүниежүзінде жалпы коронавирустың 49 557 жаңа дерегі, Еуропада 29 400 жаңа дерек тіркелген.
Қытайда 25 наурызда 365 науқас аурудан жазылып шыққан, тағы 67 адамнан індет анықталып, алты адам аурудан қайтыс болған.
Италияда коронавирус инфекциясын жұқтырғандар саны күн санап өсіп келеді. 7 наурызда вирустың 5 883 жаңа дерегі тіркелсе, 25 наурызда тағы 74 381 адамнан инфекция анықталған.
Ресейде осы уақытқа дейінгі ең көп жаңа дерек 25 наурызда тіркелді, вирус жұқтырғандардың саны — 163. Қазақстанда 17 наурызда ең көп жаңа дерек анықталған еді, олардың саны — 21.
Айта кетейік, 26 наурыз күнгі 08.25 сағаттағы Қазақстанда вирус жұқтырған науқастардың жалпы саны 88 болды.