Құбылмалы ауа райы: сейсенбіде өңірлерде қар жауады

"Қазгидромет" мамандарының болжамына қарағанда қаңтардың 28-інде Қазақстанның көп бөлігінде ауа райы құбылмалы болады, республика бойынша кей жерде қар жауады, тұман түседі, көктайғақ болады, боран соғады, жел күшейеді, оңтүстікте жел екпіні секундына 30 метрден асады. 

Қар жауады
Фото: i1.wp.com

Сейсенбіде Жамбыл облысының кей жерінде тұман түседі, көктайғақ болады, жаяу бұрқасын соғады, жел екпіні секундына 28 метрге дейін күшейеді, облыстың оңтүстік-батысында жел екпіні секундына 30 метрден асады. Шығыс Қазақстан, Қарағанды облыстарында кей жерінде тұман, боран соғады, жел екпіні секундына 23-28 метрге дейін күшейеді. Алматы облысының кей жерінде тұман түседі, көктайғақ болады, Жалаңашкөл көлі ауданында жел екпіні секундына 17-22 метрге жетеді. Ақтөбе облысында боран соғады, екпіні секундына 15-20 метрге жететін жел соғады. Түркістан, Қызылорда, Атырау облыстарында кей жерде тұман түседі, көктайғақ болады, жел екпіні секундына 15-20 метрге дейін күшейеді, Түркістан облысында кей жерде жаяу бұрқасын соғады. Ақмола, Қостанай, Солтүстік Қазақстан, Павлодар облыстарының кей жерінде боран соғады, жел екпіні секундына 15-20 метрге жетеді, Қостанай, Солтүстік Қазақстан облыстарының кей жерінде тұман түседі. Нұр-Сұлтанда жаяу бұрқасын соғады, жел екпіні секундына 15-18 метрге жетеді. Батыс Қазақстан, Маңғыстау облыстарында кей жерде тұман түседі.