11 желтоқсандағы ауа райы: тұман мен көктайғақ

11 желтоқсанда елдің оңтүстігінде, батысында және солтүстік-шығысында ауа райы құбылмалы болып, жаңбыр, қар жауады, тұман түсіп, көктайғақ болады, жел күшейеді. Еліміздің калған аумағында жауын-шашын болмайды.

Тұман ауа райы
Фото: Айгүл Хожантаева

“Қазгидромет” мамандарының болжамына қарағанда Батыс Қазақстан, Қостанай, Солтүстік Қазақстан, Шығыс Қазақстан облыстарында тұман түседі. Алматы облысында екпіні секундына 17-22 метрге жететін жел соғады, тұман түседі. Жамбыл, Түркістан, Қызылорда, Маңғыстау, Атырау, Ақтөбе, Қарағанды, Ақмола, Павлодар облыстарында да тұман түседі, көктайғақ болады.

Нұр-Сұлтанда тұманға байланысты ескерту жарияланды.