5 желтоқсанда ел аумағының көп бөлігінде қар аралас жаңбыр жауады

Бейсенбіде Қазақстан аумағында ауа райы құбылмалы болады, қар аралас жаңбыр жауып, тұман түседі, көктайғақ болады, жел күшейіп, жаяу бұрқасын соғады.

Қар аралас жаңбыр жауын қыс желтоқсан ауа райы құбылмалы
Фото: B-port.com

Республиканың оңтүстік-шығысында ғана күн ашық болады.

“Қазгидрометтің” мәліметінше, Ақмола, Батыс Қазақстан, Ақтөбе, Қостанай, Солтүстік Қазақстан облыстарында және Нұр-Сұлтанда қар жауады, тұман түседі, көктайғақ болады, жаяу бұрқасын соғады, Ақмола, Ақтөбе облыстарында жел екпіні секундына 15-20 метрге күшейеді. Павлодар, Қарағанды облыстарында да тұман түседі, көктайғақ болады.

Шығыс Қазақстан, Атырау облыстарында екпіні секундына 15-20 метрге жететін жел соғады, тұман түседі. Алматы, Жамбыл облыстарында жел екпіні секундына 23 метрге дейін күшейеді, тұман түседі. Түркістан облысында да күн тұманды болады, екпіні секундына 15-20 метрге жететін жел соғады. Маңғыстау, Қызылорда облыстарында тұман түседі, көктайғақ болады, 15-20 м/с жел соғады.

Бұған дейін ауа райын болжаушы мамандар 5-7 желтоқсан күндері елімізде жауын-шашын мен тұман түсіп, көктайғақ болатынын, бірақ ауа температурасы жоғарылайтынын хабарлаған еді.