Синоптиктердің болжамы бойынша елімізде қар аралас жаңбыр жауып, күн суиды.
Атмосфераның суық фронттарын ілестірген белсенді циклон бұған дейін республиканың батыс, орталық және солтүстік облыстарында ауа температурасының төмендеуіне, жауын-шашынға, екпінді жел мен бұрқасынға себеп болған еді. Енді Қазақстанның оңтүстігінде де күн суып, жаңбыр мен жылбысқы қар жауа бастады.
Алдағы тәулікте циклонның шығыс бағытта жылжуына байланысты республиканың оңтүстік-шығысы мен шығысында жауын-шашын — жаңбыр, қар жауады. Сондықтан Қазақстанның барлық аумағында ауа температурасы 0 градустан төмен, солтүстікте түнде 2-10 градус аяз, оңтүстікте 0-8 градус жылы болады, бұл көрсеткіш орташа көпжылдық нормадан 3-6 градусқа төмен, — деп хабарлады «Қазгидромет» мамандары.
Еске салайық, бұған дейін синоптиктер қараша айында ауа райы қандай болатынын хабарлаған еді.
