Президент Алматыда нан мен ет бағасын өсірмеуді тапсырды

Мемлекет басшысы азық-түлік бағасының өсуіне сыртқы нарықтағы ахуалды себеп қылу орынсыз екенін айтты.

Нан нан
Фото: Іnform.kz

Қасым-Жомарт Тоқаев Алматыда нан мен ет бағасын тұрақтандыруды тапсырды.

Президенттің айтуынша, 22 қазандағы жағдай бойынша Қазақстанда әлеуметтік маңызы бар тағам өнімдерінің бағасы 8,8%, Алматыда 10% өсті.

Азық-түлік бағасының күрт өсуіне жол бермеуге Үкімет назарын тағы аударғым келеді. Бәрінен бұрын нан мен ет өнімдері бағасы шарықтамауы керек. Азық-түлік бағасының өсу фактісінің өзі – экономикамыздың әлсіз екенінің айқын көрінісі. Мысалы, сыртқы нарықтағы конъюнктураның нашарлауын алға тарту орынсыз, – деді Қасым-Жомарт Тоқаев.