Қасым-Жомарт Тоқаев Мәдениет және спорт министрін қабылдады

Ақорданың баспасөз қызметінің хабарлауынша, Мәдениет және спорт министрі Мемлекет басшысына бұған дейін берілген тапсырмалардың орындалу барысын, атап айтқанда, мәдениет және спорт қайраткерлерінің әлеуметтік жағдайын жақсарту, отандық туризмді дамыту сияқты мәселелер бойынша баяндады.

Ақтоты Райымқұлова министрліктің архив, тіл саясаты бағытында атқарып жатқан жұмыстары жайында да мәлімет берді.

Президент Қасым-Жомарт Тоқаев басталған жұмыстарды өз деңгейінде жалғастырып, тиянақты әрі сапалы орындау бойынша бірқатар тапсырма берді.