Аружан Саин Бала құқықтары жөніндегі уәкіл қызметіне тағайындалды

Бұл қызметті 2018 жылдың маусымынан бері Сенат депутаты Сәуле Айтпаева атқарып келген еді.

Аружан Саин
Аружан Саин. Фото: Facebook.com/aruzhan.sain

Аружан Саин Бала құқықтары жөніндегі уәкіл болды. Бұл туралы Ақорданың баспасөз қызметі хабарлады.

Мемлекет басшысының өкімімен Аружан Саин Қазақстан Республикасындағы Бала құқықтары жөніндегі уәкіл қызметіне тағайындалды, – делінген Президенттің ресми сайтында жарияланған құжатта.

Оған дейін Қазақстандағы Бала құқықтары жөніндегі уәкіл қызметін Парламент Сенатының депутаты Сәуле Айтпаева және 2016-2018 жылдары Мәжіліс депутаты Зағипа Бәлиева атқарған еді.

Мемлекет басшысының өкімімен Сәуле Айтпаева қызметінен босатылды.

Аружан Саин 1976 жылы Қызылордада туған. Қоғам қайраткері, тележүргізуші, актриса, продюсер, қайырымдылық қорының басшысы.