Форумда темекі шегушілерге оны тастауға көмектесетін, ағзаға никотинді жеткізудің балама жүйелеріне байланысты тақырыптар ғана емес, никотиннің пайдалы қасиеттері туралы деректер де ұсынылды.
Кейбір адам темекі тартқаннан кейін ақпаратты визуал жақсы қабылдайды. Алғашында бұл темекі шегушілердің өзін-өзі жұбатуы сияқты көрінетін. Өйткені темекі шекпесе, олардың кейбірі қандай да бір ақпаратты мүлдем қабылдай алмайды.
Осыған қатысты оңтүстік жағалаудағы Лондон университетінің никотин мен темекі зерттеулері жөніндегі профессоры Линн Доукинз зерттеу жүргізген. Ол никотиннің шын мәнінде ұсақ моториканы, зейінді және жадыны жақсартатынын көрсеткен. Осыған қарамастан никотинді қолдану тым ересек шақта ми функциясының танымдық функцияларына жағымсыз әсер ететіні болжанып отыр. Профессор темекі шегу стресті төмендетеді немесе көңіл-күйді көтереді деген пікірді де жоққа шығарды.
Сан-Францискодағы Калифорния университетінің медицина профессоры, Америка дәрігері Нил Беновецтің (UCSF) никотин мен темекіге тәуелділікті емдеуде көп тәжірибесі бар. Ол Варшавадағы форумда болуы мүмкін әр қатерді бағалап, таза никотиннің ұзақ мерзімді әсерлері жайлы баяндама жасады. Оның пікірінше, никотин обырдың пайда болуына себеп емес. Бірақ теориялық тұрғыдан онкологиялық ауруларға әкелуі мүмкін. Никотиннің кейбір әсерін (мәселен, жасушалардың өсуін ынталандыруы) жоққа шығаруға болмайды.
Никотинге арналған форум сессиясының спикерлері таза никотинді пайдалануға байланысты анағұрлым мүмкін қатерлер жалпы теориялық сипатта деген пікірге келді. Бұл қатерлерді практикалық негіздеу адамдардың оған тәуелділігіне ғана байланысты.
