14 мамыр күні қазақстандық БАҚ өкілдері мен блогерлер әлемдегі №5 смартфон бренді - OPPO компаниясының жаңа телефонымен танысты.

Reno сериясының басты ерекшелігі – айналмалы камера, қуатты, 10 еселенген гибрид зумы және өзгеше дизайны. Таныстырылым кешін брендтің маркетинг және даму басшысы Ботагөз Карибаева ашты. Оның айтуынша, Reno сөзі нақты мағына бермейді, бірақ креаторлардың еркін рухын сипаттайды. Бірқатар суретші reno сөзін жеке түсініктері бойынша өнер туындысына да айналдырған екен.

OPPO компаниясының маркетинг және даму басшысы Ботагөз Карибаева

Көз тартар дизайн

OPPO-ның PR менеджері Виталий Богданов Reno және Reno 10x Zoom атты екі телефонның ерекшелігін бүге-шүгесіне дейін сипаттап берді. Дәл бүгін сатылымға түсетін серия екі түрлі реңкпен шығады: ocean green және jet black. Құрастырушылар дизайнға барынша көңіл бөліп, симметрия мен балансты алға тартыпты. Смартфондардың артқы бөлігінде шығыңқы бөлшектер жоқ, теп-тегіс.

OPPO компаниясының PR менеджері Виталий Богданов
Блогерлер жаңа смартфонды тексеріп жатыр

Басты ерекшелік

Смартфонның экраны өте үлкен, қолдану аймағы 93,1%, яғни барынша қолданыста. Осыған қарап, сонда фронтал камерасы қайда деген сұрақ туады. Сөйтсек, ең басты ерекшелік те осында жасырылған екен. Тұтынушы селфи жасағысы келсе, экранның үстіңгі бөлігінен 0,8 секундта фронтал камера, динамик және вспышка атып шығады. Мұндай механизмі бар Reno – әлемдегі жалғыз смартфон.

Фронтал камера
Таныстырылым қонағы

Фотоөнер

OPPO компаниясы смартфондарының фото түсіру функциясын әрдайым дамытып, келесі сатыға көтеріп отырады. Бұл тарапта Reno да қалыспады. Reno 10x Zoom моделінде үш бірдей камера орнатылған. Жоғары форматтағы 48-мегапиксель сенсоры, 8-мегапиксель кеңбұрышты объектив және телеобъективі бар 13-мегапиксель камералары. Сонымен бірге Ultra-Night Mode 2.0 түнгі режим мен 4K видео түсіру және Audio Focus дыбысты 360 градуста жазу мүмкіндіктері қосылған.

Тимур Балымбетов

OPPO компаниясының коммерциялық директоры Виктор Чжанның айтуынша, дәл бүгін сатылымға тек Reno моделі түседі, оның бағасы – 249 990 теңге. Ал бір айдан кейін сатылымға шығатын Reno 10x Zoom-ның бағасы 399 990 теңге болады.

OPPO компаниясының коммерциялық директоры Виктор Чжан