Басты бет Мақалада Жер реформасы

Ілмек: Жер реформасы

Жер реформасы

Жер комиссиясының кезекті отырысында қандай шешім қабылданды?

Бүгін премьер-министрдің орынбасары Ералы Тоғжановтың төрағалығымен Жер реформасы жөніндегі комиссияның төртінші отырысы өтті.

Елімізде жер ресурсын басқаратын жаңа агенттік құрылмақ

Бұл мәселе жер реформасы комиссиясының екінші отырысында қаралды.
жер телімі

Жер реформасы бойынша комиссия құрамына кімдер мүше болды?

Президент тапсырмасы бойынша ҚР Жер кодексі жобасының нормаларын талқылап, ұсыныстар әзірлеу үшін Жер реформасы бойынша комиссия құрылды.
Жер реформасы жөніндегі комиссия

Жер реформасы жөніндегі комиссия жаңа жер кодексін таныстырды

Жер реформасы жөніндегі комиссия Мәжіліске жаңа жер кодексін таныстырды.
Асқар Мырзахметов

Жер реформасы комиссиясына Асқар Мырзахметов жетекшiлiк ететін болды

Айта кетейiк, Асқар Мырзахметов премьер-министр орынбасары, Ауыл шаруашылығы министрi болып тағайындалған болатын. «Бiзге ендi iштегi мiндеттердi қайта бөлу керек. Бақытжан Әбдiрұлы (Сағынтаев – авт.ескерпесi), ауыл шаруашылығы саласында сiз айналысқан мәселелердi қайта бөлу қажет. Мемлекет басшысының тапсырмасы бойынша Сiз жетекшiлiк еткен Жер реформасы жөніндегі комиссия ендi Асқар Мырзахметовке беріледі. Сондықтан келесi отырысты бiрге өткiзiп, кейiн Мырзахметов жалғастырады. Сiздiң (Бақытжан Сағынтаев) тапсырмалар портфелiңiз үлкен, айналысатын жұмысыңыз бар», - дедi отырыста премьер-министр Кәрiм Мәсiмов.
Мұхтар Шаханов

Мұхтар Шаханов: «Біз, шындықты айту үшін жиналдық»

"Елімізде 40 жуық азаматтар сотталғаны бізді мазалайды. Біз осы жерде халыққа шындықты айту үшін жиналдық емес пе. Осы мәселені шешу керек. Егер болашақта мұндай жәйттер қайталанатын болса, онда біз мына жерге неменеге жиналып отырмыз? Менің ойымша мұндайға жол бермеу керек, азаматтарға қатысты мынадай шаралар қолдануды тоқтату керек. Тоқтату керек", - деді Шаханов.
Комиссия төрағасы,ҚР премьер-министрдің бірінші орынбасары Бақытжан Сағынтаев осы мәселеге бірнеше уақыттан соң қайта тоқталды. Естеріңізге сала кетейік, Алматы мен Астанада 21 мамырда жерге қатысты митинг ұйымдастыруға рұқсат берілмеген. Бірнеше күн бұрын Қазақстанның Бас прокуратурасы арандатушылыққа жол бермеуді айтып, рұқсат етілмеген шеруге қатысқаны азаматтар қылмыстық жауапкершілікке тартылатынын мәлімдеген.
Жер реформасы жөніндегі комиссия

Комиссия келесi отырысында жердi шетелдiктерге жалға беру мәселесiн талқыға салады

Комиссияның бүгінгі екінші отырысын қорытындылай келе, Қазақстан премьер-министрінің бірінші орынбасары Бақытжан Сағынтаев жиында айтылған барлық ұсыныс-пікірлердің жүйеленіп, жұмыс топтарында талқыланатынын айтты. «Бүгiн 38 комиссия мүшесi өз ұсынысын айтып, пiкiрiн ортаға салды. Бiрiншi, жердi сатпауға қатысты ой-пiкiрлер болды. Сонымен бiрге, егер жер сатылатын болса, бұл қалай жүзеге асады? Осы төңiректе комиссия мүшелерi ұсыныстар айтты. Штаб, хатшылық бұл ұсыныстардың барлығын жүйелейдi. Содан кейiн жұмыс топтарында олар талқыланатын болады. Әрине, шешiм бiрден қабылданбайды. Бiз өңiрлерге шығып, халықтың пiкiрiн тыңдап, содан кейiн ғана ұсыныстар әзiрлеймiз», - дедi Сағынтаев. Жалпы бүгінгі отырыста негізінен үш мәселеге қатысты ұсыныстар түсті. Біріншісі – жерді қазақстандықтарға сатуға және сатпауға, екіншісі – жалға беру немесе бермеуге қатысты. Үшіншісі – жерді қазақстандықтарға 10 гектарға дейін тегін беру туралы. Бұл ұсыныстардың бәрі бүгінгі жиынның хаттамасына тіркелді. Жер реформасы бойынша комиссияның бүгiнгi отырысында Қазақстан азаматтарына ауыл шаруашылығы жерлерiн жеке меншiкке сату немесе беру мәселесi қаралды. Жалпы, отырыс барысында 38 комиссия мүшесi өз ұсыныс-пiкiрлерiн айтты. Олардың барлығы жүйеленiп, жұмыс топтарында талқыланатын болды. Ал комиссияның келесi отырысы 28 мамырға белгiленiп отыр. Комиссия мүшелерi қоғамдық резонанс тудырған жердi шетелдiктерге жалға беру мәселесiн талқылайды. Айта кетейiк, бүгiн Жер реформасы жөніндегі комиссияның төрт жұмыс тобының құрамы жасақталып, төрағалары сайланды. Еске сала кетсек, Жер реформасы жөнiндегi комиссия президенттiң тапсырмасы бойынша құрылды. Комиссия құрамына 75 адам кіріп отыр, олардың iшiнде Мұхтар Шаханов, Мұхтар Тайжан, Мұрат Әбенов, Айдос Сарым, Бекболат Тілеухан, Жармахан Тұяқбай секілді көпшілікке белгілі тұлғалар бар. Президент Жер кодексiнiң қоғамда дау тудырған бiрқатар нормаларына 2017 жылға дейін мораторий жариялады. Нұрсұлтан Назарбаев кең көлемді түсіндіру шараларын жүргізіп, бұл жұмысқа бүкіл партиялар мен қоғамдық ұйымдарды тартып, жер мәселесі бойынша өз позициясын білдірген барлық азаматтарды диалогқа шақыруды тапсырған болатын.
Жүрсін Ерман

Жүрсін Ерман: Жердiң артында бүкiл қазақ ұлтының тағдыры тұр

Ақын Жүрсін Ерман комиссияға мүше болғалы елдің ең өзекті мәселесіне жауапты болып отырғанын айтты. «Менiң ойым халықтың ойы деп есептеймiн. Комиссияға мүше болғаннан берi Қазақстанның түкпiр-түкпiрiнен хаттар келiп түсiп жатыр. Бәрiнiң айтатыны бір - жер сатылмасын! Аяғымызды аңдап басып, қазақтың атамекен жерiнiң бiр пұшпағын да сатуға болмайды. Мүмкiн кейiн басқа шешiм қабылдауға болар, бiрақ дәл қазiр бұған жол жоқ деп ойлаймыз», - дейді Жүрсін Ерман. Оның айтуынша, ел азаматтарына жердi жалға берсек те, сақтық керек. Қазақстанда кемiнде 20 жыл тұрақты өмiр сүрген адамдарға беру секiлдi тетіктерді ойластырған абзал. «Латифундистер деген бар, олар 500, 700 мың гектар жердi алып алған, бұл не деген сорақылық. Жердi жалға бергеннiң өзiнде оған шек қою керек деп ойлаймын. Әрi егер белгiлi бiр мерзiм iшiнде жердi пайдаланбайтын болса, мемлекет оны қайтарып алып, кәдеге жаратқаны жөн. Жердiң артында бүкiл қазақ ұлтының тағдыры тұр. Жер қазақ үшін ең басты мәселе. Сондықтан дұрыс тетiктерiн қабылдап, бекiтiп, жер мәселесiн жауып тастау керек», -деген пікірде комиссия мүшесі. Жүрсін Ерман Жер реформасы жөніндегі комиссиядан кейбір адамдардың шығып кетуіне қатысты ойын да жеткізді. «Комиссия мүшелерiнiң комиссиядан шығып кетуiн әлсiздiк деп есептеймiн. Мемлекет «мәселені талқылаңдар, шешіңдер» деп комиссия құрып берді. Осы комиссияның ішінде отырып, халықтың пікірін жеткізіп, дауыс беріп, үніңді қоспайсың ба?! Бұл осалдардың позициясы деп ойлаймын», - дейді ол. Айта кетсек, бүгін Жер реформасы жөніндегі комиссияның екінші отырысы өтті. Отырыста Қазақстан азаматтарына ауыл шаруашылығы жерлерiн жеке меншiкке сату немесе жалға беру мәселесi қаралды. Ал 28 мамырға белгiленген комиссияның келесi отырысында қоғамдық резонанс тудырған жердi шетелдiктерге жалға беру мәселесi талқыға түседі.
Қазақстан үкіметі Ақорда

Қазақстан үкіметі «жер реформасын белсенді түрде талқылауға» шақырды

Үкімет пен президенттік партияның жетекшілері жер реформасын арнайы құрылған республикалық комисссия аясында талқылауға шақыратындарын мәлімдеді. Бұл комиссия ауыл шаруашылығы жерлерін жекешелендіру мен шетелдіктерге ұзақ мерзімге жалға беруді көздейтін жер кодексіндегі жаңа өзгерістерге қарсы наразылықтан соң құрылған болатын. Заңға енген түзетулер 5 мамырда уақытша тоқтатылды. - Әрбір сұраққа талдау жасалады, жер кодексіне қатысы барлары комиссияда қаралады, қалғандары мүдделі мемлекеттік органдардың қарауына жіберіледі. Біз бұл мәселені талқылауға біздің азаматтардың мейлінше көп бөлігінің қатысқанын қалаймыз, сондықтан бұл жұмыстарға Астана, Алматы және облыс әкімдіктерінің жанындағы қоғамдық кеңестер жұмылдырылған, - дейді Бақытжан Сағынтаев Үкімет басшысының бірінші орынбасары Бақытжан Сағынтаев жер реформасы жөніндегі комиссияның кезекті отырысы Астанада 21 мамырда өтетінін хабарлады.