Басты бет Мақалада Қазақстан мен Қытай

Ілмек: Қазақстан мен Қытай

Қытай Қазақстан

2017 жылы Қытайда төртінші қазақстандық орталық ашылады

2017 жылы Қытайда төртінші қазақстандық орталық ашу жоспарланып отыр. Бұл туралы еліміздің Қытайдағы елшісі Шахрат Нұрышев хабарлады.
Асқар Мырзахметов

Асқар Мырзахметов: Қазақстан мен Қытай арасында жерді жалға беру туралы келісімге...

Отырыс барысында Мұхтар Тайжан Қытайға жерді жалға беруге қатысты келісімшарттарға қол қойылған деген мәселе жөнінде министрге сауал қойды. «Қытайдың ауыл шаруашылығы министрлігіне қарайтын карантин жөніндегі бас басқарма бар. Оның мәртебесі министрлікпен бірдей. Біз сол басқармамен арнайы жұмыс жоспары туралы қол қойғанымыз рас. Ол министрліктің тікелей жұмысы. Онда негізінен Қазақстан мен Қытай арасындағы сауда-саттықты дамыту мәселесi қарастырылған. Өздеріңіз білесіздер, Қытай – әлемдегі үлкен экономиканың бірі. Ал осы нарықпен шекаралас бола тұра, оны қаншалықты тиімді пайдаланып отырмыз? Осы мүмкіндікті пайдалануға біз жақындай түстік. Онда негізінен шектеулерді алып тастау туралы мәселелер көтерілген болатын», - дейді Мырзахметов. Министрдiң айтуынша, келісімшарт негізінен қазақстандық ауыл шаруашылығы тауарын Қытайға жеткізуге бағытталған жеңілдіктерді қамтиды. Осыған байланысты Қытай тарапынан арнайы комиссия да келген. «Қытай мал өнімдеріне, органикалық өнімдерді сатып алуға қызығады. Одан неге бас тартуға тиіспіз. Олар кәсіпорындарымызды аралады, тауарларды өздерінің нарығына қаншалықты сатуға болатынын тексерді. Осы шараларды реттеу үшін біз Қытаймен келісімге келіп отырмыз, алайда онда жерге, жерді өңдеуге қатысты ешқандай баптар қамтылмаған», - дейді Асқар Мырзахметов. Министр бұған дейінгі қол қойылған келісімшарттардың барлығы жалпы сауда-саттық бағытында екенін атап өтті. Оның айтуынша, қол қойылған меморандумдардың барлығы халықаралық келісімшарт емес. Оның құқықтық статусы жергілікті заң арқылы ғана рәсімделеді. Яғни, қол қойылған құжаттар бойынша жерге қатысты ешқандай мәселе туындамайды.
Қытай Қазақстан

Қазақстан мен Қытай құны 10 млрд АҚШ долларынан асатын келісімдерге қол...

«Елдерімізді жақындастыратын бірнеше маңызды бағдарламалар бар. Біріншісі – ҚХР Төрағасы Си Цзиньпиннің 2013 жылы Қазақстанға сапары барысында жариялаған «Бір белдеу – бір жол» бағдарламасы. Екіншісі – Қазақстан президенті Нұрсұлтан Назарбаевтың «Нұрлы жол» бағдарламасы. Осы екі бағдарлама бірін-бірі толықтырады деп есептейміз. Іскерлік Кеңес пен кәсіпкерлеріміздің табысты қызметі осы екі бағдарламамен байланысты», – деп келтірген Кәрім Мәсімовтың сөзін primeminister.kz сайты.

«Бүгін Іскерлік Кеңес аясында және ертең ҚХР Мемлекеттік кеңесі премьерімен келіссөздер қорытындысы бойынша нақты кәсіпорындар құру туралы құжаттарға қол қойылады», – деп атап өтті Мәсімов.

Сөз соңында Кәрім Мәсімов екі ел арасындағы сауда-экономикалық ынтымақтастық пен көршілікті қалыптастырудағы және нығайтудағы айтарлықтай нәтижелерге қол жеткізілгендігін айтып өтті.

Іскерлік Кеңес жұмысының қорытындысы бойынша жалпы 10 млрд АҚШ долларынан астам сомаға екі жақты коммерциялық құжаттар пакетіне қол қойылды.

Атап айтқанда, «Қазақтелеком» АҚ мен China Telecom Global Limited арасындағы ынтымақтастық туралы Меморандумға; «ҚазМұнайГаз» ҰК» АҚ мен «Sinopec» корпорациясы арасында өзара түсіністік Меморандумына; Kazakhstan Petrochemical Industries, Inc ЖШС мен China National Chemical Engineering Co. Ltd арасында Атырау облысында интеграцияланған газ-химия кешенін салу жобасы бойынша ЕРС-келісімге қол қойылды; түсті металлургия (мыс өндіру) Индустриялық паркі жобасы бойынша өзара түсіністік туралы Меморандумға Central Asia Gold corporation ЖШС мен Shenyang Lianli Copper компанияларының басшылары қол қойды, сондай- ақ басқалары.

Кәрім Мәсімов Қазақстан мен Қытай басшыларының бастамасымен құрылған Іскерлік Кеңес екі мемлекеттің бизнес қауымдастықтары үшін тиімді диалог алаңына айналғандығын баса айтты.