Жұлдыз Омарбекова Ақпарат және қоғамдық даму вице-министрі болды

Ол былтырғы қыркүйектен бері ҚР Қоғамдық даму министрінің орынбасары болып қызмет еткен еді.

Жұлдыз Омарбекова Ақпарат және қоғамдық даму министрінің орынбасары болып тағайындалды.

ҚР Үкіметінің қаулысымен Жұлдыз Қажыкенқызы Омарбекова Қазақстан Республикасының Ақпарат және қоғамдық даму вице-министрі қызметіне тағайындалды, — деп хабарлады Үкіметтің баспасөз қызметі.

Жұлдыз Омарбекова 1983 жылы Алматыда дүниеге келген. Әл-Фараби атындағы қазақ ұлттық университетін тәмамдаған. Құқықтану маманы, әлеуметтік ғылымдар кандидаты.

Еңбек жолын 2001 жылы бастаған. Әлеуметтану пәнінің оқытушысы, «Бауыржан» қайырымдылық қорының атқарушы директоры және президенті болып жұмыс істеген. 2013-2014 жылдары Алматы мәдениет басқармасы басшысының міндетін атқарушы, басшысы, 2014-2015 жылдары Алматының Наурызбай ауданы әкімінің орынбасары қызметтерін атқарған. 2016-2018 жылдары Nur Otan партиясының Алматы бөлімшесі төрағасының бірінші орынбасары болды. 2018 жылғы қыркүйекте ҚР Қоғамдық даму вице-министрі лауазымын иеленді.

Telegram арнамызға жазылыңыз

Күннің маңызды және өзекті жаңалықтарын телеграм каналынан оқыңыз