Алдағы үш тәулікте жаңбыр жауғанымен ауа температурасы жоғары болады

2-4 сәуір күндері әуелі Қазақстанның орталығындағы циклонның орнына антициклон келеді, көп ұзамай оны тағы циклон алмастырады.

Жаңбыр
Фото: Goodfon.ru

Синоптиктер 2-4 сәуір күндері ауа райы қандай болатынын хабарлады. “Қазгидромет” кәсіпорнының болжамына қарағанда бұл айда циклонмен байланысты синоптика процестері күшейе бастайды.

Қазақстанның орталығында орналасқан циклон 2 сәуірде шығысқа қарай жылжиды, оның орнына антициклон орнайды. Бірақ антициклон да тұрақталмайды, өйткені оның орнына Жерорта теңізінің шығыс аймағынан кезекті циклон жылжып, алдағы үш тәулікте республиканың көп облысындағы ауа райы соған байланысты болады, – деп хабарлады “Қазгидрометтің” баспасөз қызметі.

Жерорта теңізі аймағынан келетін циклонның әсерінен республиканың басым бөлігінде жаңбырмен бірге найзағай ойнап, күшті жел соғады, солтүстік облыстарда жауын-шашын жауады, жауын-шашын 4 сәуірде шығысқа келеді. Ауа температурасы нағыз көктемге сай болады: оңтүстікте 15-25 және солтүстік облыстарда 5-15 градус жылы болады.