Жанат Құрманов “БЖЗҚ” АҚ басқарма төрағасы болып тағайындалды

Қордың директорлар кеңесі 29 наурыз күні Нұрбүбі Наурызбаеваның орнына Жанат Құрмановты тағайындау туралы шешім шығарған.

Жанат Құрманов
Жанат Құрманов. Фото: Kapital.kz

“Бірыңғай жинақтаушы зейнетақы қоры” акционерлік қоғамына жаңа басшы тағайындалды. Бұл туралы қордың баспасөз қызметі хабарлады.

“БЖЗҚ” АҚ директорлар кеңесінің (2019 жылғы 29 наурыздағы № 1 хаттама) шешімімен Құрманов Жанат Бостанұлы “БЖЗҚ” АҚ басқарма төрағасы болып тағайындалды, – деп жазылған қордың ресми сайтында.

Жанат Құрманов бұған дейін ҚР Ұлттық банкі төрағасының орынбасары болды. Ол 2019 жылдың 28 наурызы күні Қасым-Жомарт Тоқаевтың бұл қызметтен босатылды.

“Бірыңғай жинақтаушы зейнетақы қоры” АҚ басқарма төрағасы қызметін бұған дейін Нұрбүбі Наурызбаева атқарып келген еді. Ол бұл қызметке 2017 жылдың қаңтарында тағайындалды.