2018 жылы Қазақстаннан 41,9 мың адам кетіп қалған, бұл бұрнағы жылмен салыстырғанда 11,1%-ға көп. Бұл туралы Finprom.kz зерттеуінде айтылады.
Былтыр Қазақстанға келгендердің саны 12,8 мың адамға қысқарған, бұл алдыңғы жылмен салыстырғанда 20,5%-ға аз. Көші-қон сальдосы — 29 100 адам.
2018 жылы Қазақстан азаматтары негізінен ТМД елдеріне көшіп кеткен, бұл бағыттағы эмигранттардың саны 37,8 мың адам болды. Елдің еңбекке қабілетті азаматтарының арасынан қоныс аударғандардың қатары — 29,1 мың адам (ТМД елдеріне кеткендердің саны — 26,3 мың адам).
Өңірлерден шетелге кетіп қалғандардың көбі — Шығыс Қазақстан облысының тұрғындары: 4,44 мың адам. Екінші орында — Қостанай облысы: 4,38 мың адам. Үшінші орында — Қарағанды облысы: 3,87 мың адам.
Республика бойынша Алматы, Маңғыстау облыстары мен Алматыға сырттан еңбекке қабілетті азамат көп келген. Алматы облысы 1,6 мың, Маңғыстау облысы 1,3 мың және Алматы 1 мың адамды қабылдаған.
Көші-қонның оң сальдосының ең жоғары деңгейі, яғни келгендер санының көшіп кеткендер санынан артық болуы Маңғыстау облысында тіркелді — 958 адам.
Finprom.kz-тің мәліметінше, елден жасы 15-тен асқан 22,7 мың маман кетіп қалған, бұл бұрнағы жылға қарағанда 11,3%-ға көп. Кетіп қалғандардың 7,4 мыңы — техника, 3,9 мыңы — экономика, 2,5 мыңы — педагогика саласының маманы. Бұл жөнінен көші-қон сальдосы жақсарған жоқ, яғни сырттан келуші азаматтардың есебінен кетіп қалған мамандардың орны толмай тұр.
2018 жылдың 12 айында елден кеткен азаматтардың 90,2%-ы ТМД елдеріне, оның 97,5%-ы Ресейге барған. Эмигранттардың 9,8%-ы басқа елдерге кеткен, олардың арасында Германияға (65%), АҚШ-қа (8,2%) және Израильге (3,3%) қоныс аударғандар көп.
(Иллюстрация: Dribbble.com ©Anton Fritsler (kit8))
