Астанада бұрын егіз тапқан ана енді үшемді дүниеге әкелді

Екі ұл мен бір қыз бала бірнеше минут айырмашылығымен өмірге келді.

сәби нәресте
Фото: Vladtime.ru

Астанада 2019 жылдағы алғашқы үшем дүниеге келді. Бұл туралы Астана әкімінің баспасөз қызметі хабарлады.

Әкімдіктің мәліметінше, бұл отбасында бұған дейін егіз дүниеге келіпті. Үшемді анасы №3 перинаталдық орталықта өмірге әкелген.

19 ақпанда Кесарь тілігі арқылы бірнеше минут айырмашылығымен үшем дүниеге келді. Екі ұл мен бір қыздың әрқайсының салмағы – 2 149 грамм, 2 290 және 2 020 грамм, – деп хабарлады перзентхана мамандары.

Ана мен үшемнің денсаулығы жақсы, олар 26 ақпанда перзентханадан шығарылады.