6 қазан JARYQ музыка фестивалі өтеді. Ашық аспан астындағы концертте Tamiris, Marc Egin, Qol Shatyr және тағы басқа артистер өнер көрсетеді. Кіру тегін.
Өтетін орны: Mega Park сауда орталығы
Уақыты: 6 қазан, сағат 18.00-де.
6-7 қазан күндері Almaty Urban Farm Festival өтпек. Фестиваль ауыл шаруашылығы өнімдерін ұсынатын жәрмеңке түрінде өтеді. Фестивальға келушілер 3 секция бойынша фермерлер жәрмеңкесі мен агротехнологиялар көрмесін тамашалап, шетелдік және жергілікті мамандармен кеңесе алады. Кіру тегін.
Өтетін орны: Esentai Mall
Уақыты: 6-7 қазан, сағат 11.00-де.
20 қыркүйек пен 16 қазан аралығында қала тұрғындары мен қонақтарына «Граница» көрмесі ұсынылады. Көрмеге Германия, Украина, Белорусь, Грузия, Армения, Россия, Тәжікістан, Әзірбайжан, Қырғызстан, Өзбекстан және Қазақстан суретшілері қатысады.
Өтетін орны: Ә.Қастеев атындағы мемлекеттік өнер музейі
Уақыты: 16 қазанға дейін.
Esentai Gallery Trivial Freedom көрмесін ұсынады. Көрмеде лондондық Berkin және Mika лақап аттарымен танымал жас фотографтардың суреттері қойылған. Кіру тегін.
Өтетін орны: Esentai Mall галереясы
Уақыты: 13 қазанға дейін.
7 қазанда «Цезарь» кинотеатрында «Басқа кино» балалар киноклубы ашылады. Киноклуб балаларды «Шексіз тарих» фильмін тамашалауға шақырады. Енді әр жексенбі сайын балалар кинотеатрға келіп әртүрлі фильмдерді тегін тамашалай алады.
Өтетін орны: «Цезарь» кинотеатры
Уақыты: 7 қазан, сағат 12.00-де
Сонымен қатар, 7 қазан күні мемлекеттік ипподромда Алматы әкімдігінің кубогына арналған бәйге өтеді. Кіру тегін.
Өтетін орны: Алматы мемлекеттік ипподромы
Уақыты: 7 қазан сағат 12.00-де.
